Comprehensive Care Management

NJOFTIM MBI PRAKTIKAT E RUAJTJES SË TË DHËNAVE PRIVATE

KY NJOFTIM PËRSHKRUAN SE NË Ç'RASTE MUND TË PËRDOREN DHE ZBULOHEN TË DHËNAT TUAJA SHËNDETËSORE DHE SI MUND T'I MERRNI KËTO TË DHËNA. JU LUTEM LEXOJENI ME KUJDES..

Me ligj ne jemi të detyruar të ruajmë fshehtësinë e të dhënave tuaja shëndetësore, dhe t'ju japim një kopje të këtij Njoftimi që përshkruan praktikat e ruajtjes së të dhënave tuaja shëndetësore nga ana e Comprehensive Care Management Corporation (CCMC), Beth Abraham Health Services Long Term Home Health Care Program,, dhe Comprehensive Care Management Diagnostic and Treatment Center, Inc., si dhe shoqëri të tjera që në bashkëpunim me të mësipërmet ofrojnë shërbime shëndetësore. Gjithashtu, ne jemi të detyruar që t'i përmbahemi kushteve të këtij Njoftimi në fuqi. Ju keni mundësi të merrni një kopje të Njoftimit duke shkuar në faqen tonë të Internetit www.comprehensivecaremanagement.com, duke telefonuar (718) 652-1151 ose duke kërkuar një kopje gjatë vizitës së ardhshme mjekësore.

KUSH ËSHTË I DETYRUAR TË RESPEKTOJË KËTË NJOFTIM?

CCMC-ja i ofron përkujdesje shëndetësore pacientëve në bashkëpunim me mjekë, profesionistë dhe organizata të tjera shëndetsore. Ky Njoftim përshkruan përdorimin dhe zbulimin nga ne të të dhënave tuaja shëndetësore që kanë lidhje me regjistrimin, kushtet e pranimit dhe pagesën, si dhe përdorimin dhe zbulimin e të dhënave shëndetësore që kanë lidhje me kujdesin mjekësor që ju jepet. Praktikat për ruajtjen e të dhënave private që përshkruhen në këtë Njoftim duhet të respektohen nga:

• Çdo profesionist i shëndetësisë i kontraktuar nga CCCM-ja për t'ju shërbyer në secilën prej qendrave tona shëndetësore, vendbanimin tuaj, ose në zyrat e tij.
• Punëtorët, personeli mjekësor, praktikantët, studentët ose vullnetarët në secilën prej qendrave tona;
• Çdo bashkëpunëtor biznesi i CCM-së (të cilët përshkruhen më tutje më poshtë)

Llojet e Lejes

Leje e Përgjithshme. Ne duhet të marrim nga ju një "leje të përgjithshme" me shkrim për të përdorur dhe zbuluar të dhënat tuaja shëndetësore me qëllim ofrimin e shërbimeve, marrjen e pagesës, dhe kryerjen e veprimtarive të tjera shëndetësore. Këtë leje të përgjithshme duhet ta marrim herën e parë që ju ofrojmë mjekim apo shërbime. Kjo leje e përgjithshme me shkrim është një leje e gjërë që nuk ka pse të përsëritet çdo herë që ju ofrojmë mjekim ose shërbime.

Autorizim me Shkrim. Përveç rasteve të përshkruara në këtë Njoftim, do të marrim nga ju një autorizim me shkrim para se t'i përdorim të dhënat tuaja shëndetsore dhe t'ia zbulojmë ato të tjerëve jashtë CCM-së. Do t'i përdorim dhe zbulojmë të dhënat tuaja shëndetësore vetëm për qëllimet që janë përshkruar në autorizimin me shkrim. Çdo autorizim me shkrim do të ketë datë të skadencës; megjithatë ju mund ta shfuqizoni autorizimin me shkrim në çdo kohë - kjo nuk do kthejë mbrapsht përdorimin dhe zbulimin e të dhënave të bëra deri në atë kohë. Për të shfuqizuar një autorizim me shkrim ju lutem shkruajini Zyrtarit të Mbrojtjes së të Dhënave.

SI MUND T'I PËRDORIM DHE ZBULOJMË TË DHËNAT TUAJA SHËNDETËSORE

1. 1. Më poshtë jepen raste të ndryshme kur mund të përdorim dhe zbulojmë të dhënat tuaja shëndetësore me qëllime mjekimi, pagese dhe veprimtarish të tjera shëndetësore.

Për Mjekim. Do t'i përdorim dhe zbulojmë të dhënat tuaja shëndetësore me qëllim dhënien e mjekimit dhe shërbimeve të tjera,koordinimit të përkujdesjes shëndetësore, dhe mund t'ia zbulojmë të dhënat organizatave të tjera të përfshira në përkujdesjen shëndetësore ndaj jush. Të dhënat tuaja shëndetësore mund të përdoren nga mjekë, infermierë dhe ndihmës shtëpiakë, si dhe terapistë fizikë, punëtorë socialë dhe persona të tjerë të përfshirë në dhënien e përkujdesit shëndetësor. Për shembull, anëtarë të ekipit interdisiplinor do të diskutojnë planin tuaj shëndetësor dhe do të kontaktojnë çdo specialist që ju ka mjekuar.

Për Marrje të Pagesës. Mund t'i përdorim dhe zbulojmë të dhënat tuaja shëndetësore për qëllime të përpilimit të faturave dhe marrjes së pagesës. Mund t'ia zbulojmë të dhënat tuaja shëndetësore përfaqësuesit tuaj personal, kompanive të sigurimit ose organizatave të administrimit të shërbimeve shëndetësore, Medicare, Medicaid ose agjencisë shtetërore e cila administron CCMC-në. Për shembull, mund t'ja zbulojmë të dhënat tuaja shëndetësore Medicare-it ose agjencisë shtetërore të administrimit për të përcaktuar nëse vazhdoni t'i plotësoni kushtet për të përfituar nga CCM-ja. Gjithashtu, për këto qëllime, do t'ju kërkojmë që të nënshkruani një dokument që lejon përdorimin e të dhënave personale nga Medicare-i, Medicaid-i dhe agjencia administruese shtetërore, si kusht i kontratës tuaj të regjistrimit. Së fundi, mund t'ja zbulojmë të dhënat organizatave të tjera që ofrojnë shërbimeve shëndetësore dhe sponsorizuesve për qëllimet e tyre paguese.

Për Zhvillimin e Veprimtarive Shëndetësore. Mund t'i përdorim të dhënat tuaja shëndetësore dhe t'ia zbulojmë ato të tjerëve me qëllim zhvillimin e veprimtarive tona shëndetësore. Për shembull, mund t'i përdorim të dhënat tuaja për të vlerësuar punën e personelit tonë, ose për të edukuar personelin se si të përmirësojë kujdesin ndaj jush. Së fundi, mund t'i shfrytëzojmë të dhënat tuaja shëndetësore së bashku me ofrues dhe pagues të tjerë të shërbimeve shëndetësore për disa nga veprimtaritë e tyre shëndetësore nëse të dhënat kanë lidhje me marrëdhënien që ofruesi ose paguesi aktualisht ka ose më parë ka patur me ju, dhe në se ofruesi ose paguesi është i detyruar nga ligji federal që të mbrojë fshehtësinë e të dhënave tuaja shëndetësore.

Për Rikujtim të Vizitave, Mjekime Alternative, Përfitime dhe Shërbime. Mund t'i përdorim të dhënat tuaja shëndetësore për t'ju kontaktuar dhe rikujtuar se keni takim për mjekim ose shërbime të tjera. Gjithashtu mund t'i përdorim të dhënat tuaja shëndetësore për të rekomanduar mjekime të mundshme alternative dhe përfitime ose shërbime që kanë lidhje me shëndetin dhe që mund t'ju interesojnë.

Për Veprimtari për Mbledhje Fondesh. Mund të përdorim disa të dhëna të kufizuara për t'ju kontaktuar në përpjekje për të mbledhur fonde për CCM-në dhe veprimtarinë e saj.

Bashkëpunëtorët e Biznesit. Bashkëpunëtorët tanë të biznesit janë individë dhe organizata që kryejnë funksione ose veprimtari me kërkesën tonë gjatë kryerjes të së cilave të dhëna shëndetësore ruhen të fshehta. Mund t'ia zbulojmë të dhënat tuaja të mbrojtura shëndetësore një kontraktuesi ose bashkëpunëtori të biznesit të cilit të dhënat i duhen për t'i kryer shërbime CCM-së. Bashkëpunëtorët tanë të biznesit janë të angazhuar për të mbrojtur fshehtësinë e këtyre të dhënave.

2. Lista e Pacientëve

Mund t'i përdorim të dhënat tuaja shëndetësore në Listën e Pacientëve, ose nga Lista e Pacientëve, ose t'ia zbulojmë ato anëtarëve të familes ose miqve që kujdesen për ju, pa autorizimin tuaj me shkrim. Gjithnjë do t'ju japim mundësi që të kundërshtoni, me përjashtim të rasteve kur nuk ka kohë të mjaftueshme për shkak të një urgjence mjekësore (në këtë rast do t'i diskutojmë preferencat tuaja me ju sapo të ketë kaluar urgjenca). Do të përmbushim dëshirat tuaja në rast se nuk jemi të detyruar me ligj të veprojmë ndryshe.

3. 3. Anëtarë të Familjes dhe Miq që Kujdesen për Ju

Nëse nuk keni kundërshtim, mund t'ia zbulojmë të dhënat tuaja shëndetësore një anëtari të familjes, miku të ngushtë, apo një personi tjetër që ju vetë zgjidhni, i cili kujdeset për ju ose paguan për kujdesin ndaj jush. Gjithashtu mund të njoftojmë një anëtar të familjes, përfaqësues personal ose një person tjetër përgjegjës për shëndetin tuaj, në lidhje me vendndodhjen dhe gjëndjen tuaj të përgjithshme, ose mbi vdekjen tuaj. Në disa raste, mund të na duhet t'ia përcjellim të dhënat tuaja organizatave për lehtësim të fatkeqësive, të cilat do të na ndihmojnë për të njoftuar këta persona.

Do t'i lejojmë anëtarët e familjes dhe miqtë tuaj që me lejen tuaj të tërheqin barnat e porositura me recetë, radiografitë, dhe do të zbulojmë të dhëna të ngjashme të mbrojtura shëndetësore, nëse nuk e kundërshtoni një gjë të tillë, kur arrijmë në përfundimin se bazuar në gjykimin tonë profesional është në interesin tuaj që të zbulohen ato të dhëna.

4. Urgjenca ose Nevojë Publike

   Urgjenca. Mund t'i përdorim dhe zbulojmë të dhënat tuaja shëndetësore në raste urgjencash shëndetësore.

   Siç Kërkohet Nga Ligji. Mund t'i përdorim dhe zbulojmë të dhënat tuaja shëndetësore në raste kur kjo kërkohet me ligj. Do t'ju njoftojmë mbi këto përdorime ose zbulime nëse njoftimi kërkohet me ligj.

   Veprimtari të Shëndetit Publik. Mund t'ia zbulojmë të dhënat tuaja shëndetësore zyrtarëve të autorizuar të shëndetit publik përfshi rastet për të parandaluar ose kontrolluar sëmundje, lëndime ose dëmtime, ose për të raportuar viktima të keqtrajtimit, lënies pas dore ose dhunës familjare. Do të bëjmë çdo përpjekje për të marrë lejen tuaj para zbulimit të këtyre të dhënave, por në disa raste mund të na kërkohet ose autorizohet të veprojmë pa lejen tuaj

   Veprimtari të Lidhura me Inspektimin Shëndetësor. Mund t'ia zbulojmë të dhënat tuaja shëndetësore agjencive shtetërore për veprimtari të autorizuara me ligj, si revizione, hetime, inspektime dhe licensime, ose për veprimtari që kanë të bëjnë me inspektimin e sistemit të shëndetësisë. Si kusht për regjistrim, do t'ju kërkojmë që të nënshkruani një dokumet që lejon përdorimin e të dhënave personale nga Medicare-i, Medicaid-i dhe agjencia e administruar nga shteti për këto qëllime.

   Kontroll, Riparim dhe Rikthim i Produkteve. Mund t'ia zbulojmë te dhënat tuaja shëndetësore një personi ose kompanie të drejtuar nga Administrata e Ushqimeve dhe Barnave me qëllim për (1) gjetje ose raportim të difekteve ose problemeve të produkteve; (2) riparim, zëvendesim ose rikthim të produkteve difektive ose të rrezikshme; ose, (3) kontroll të ecurisë së një produkti pasi miratohet për përdorim të gjërë nga popullata.

   Paditë dhe Mosmarrëveshjet. Mund t'i zbulojmë të dhënat tuaja shëndetësore pas lëshimit të një urdhëri gjyqësor ose administrativ. Gjithashtu, mund t'i zbulojmë të dhënat në përgjigje të një fletëthirrjeje gjyqësore, kërkese për zbulim provash gjatë një procesi gjyqësor ose ndonjë procesi tjetër të ligjshëm; duhet të bëhen përpjekje për t'ju kontaktuar në lidhje me kërkesën ose për të marrë një urdhër ose marrëveshje për të mbrojtur të dhënat

   Organet Ligjzbatuese. Mund t'i zbulojmë të dhënat tuaja shëndetësore për qëllime të caktuara të organeve ligjzbatuese, që për shembull, përfshijne përmbushjen e detyrimeve raportuese, zbatimin e urdhrave gjyqësore, thirrjet gjyqësore, autorizim ligjor, e procese të tjera të ngjashme ligjore; ose per t'iu përgjigjur pyetjeve të caktuara rreth krimeve të ndryshme.

   Për të Shmangur një Kërcënim Serioz ndaj Shëndetit ose Sigurisë. Mund t'i përdorim ose zbulojmë të dhënat tuaja shëndetësore kur është e nevojshme të parandalohet një kërcënim serioz dhe real ndaj shëndetit ose sigurisë tuaj, shëndetit ose sigurisë të një personi tjetër ose publikut. Në raste të tilla të dhënat tuaja do t'ia zbulojmë vetëm dikujt që ka mundësi të parandalojë kërcënimin.

   Ushtria, Veteranët dhe Funksione të tjera të Posaçme Shtetërore. Nëse jeni anëtar i forcave të armatosura, mund t'i përdorim dhe zbulojmë të dhënat tuaja shëndetësore siç kërkohet nga autoritetet komanduese ushtarake. Mund t'ia zbulojmë të dhënat zyrtarëve të autorizuar federalë për qëllime të sigurisë kombëtare, për të zhvilluar hetime të posaçme, për të mbrojtur Presidentin e Shteteve të Bashkuara të Amerikës ose disa zyrtarë të tjerë të caktuar.

   Të Burgosurit. Nëse jeni i burgosur në një institucion korrektues ose nën mbikqyrjen e një zyrtari të organeve të drejtësisë, mund t'ia zbulojmë të dhënat tuaja shëndetësore institucionit shëndetësor ose zyrtarit të organeve të drejtësisë nëse është i nevojshëm mjekimi për të mbrojtur shëndetin dhe sigurinë tuaj ose shëndetin dhe sigurinë e të tjerëve, ose për të ruajtur sigurinë e institucionit korrektues.

   Autopsitë, Mjekët Ligjorë, Drejtuesit e Ceremonive Funerale, Organizatat për Dhurim të Organeve. Mund t'ia zbulojmë të dhënat tuaja shëndetësore një mjeku që kryen autopsinë, mjekut ligjor, drejtorit të ceremonive funerale, ose, nëse jeni dhurues i organeve, një organizate që merret me dhurimin e organeve, syve dhe indeve.

   Lehtësim i Fatkeqësive. Mund t'ia zbulojmë të dhënat tuaja shëndetësore organizatave publike ose private të autorizuara me ligj ose license të veçantë për të ndihmuar në përpjekjet për lehtësim të fatkeqësive.

   Kërkimet shkencore. Mund t'i përdorim ose zbulojmë të dhënat tuaja shëndetësore për qëllime kërkimore nëse një bord shqyrtues e ka miratuar një veprim të tillë bazuar në përfundimin se kërkimi do të paraqesë rrezik minimal ndaj jush dhe jetës suaj private. Nëse kërkohet, do të marrim një autorizim me shkrim nga ju para përdorimit të të dhënave tuaja shëndetësore për qëllime kërkimi.

5. Të Dhëna ku Krejtësisht ose Pjesërisht janë Hequr Veçoritë nga Mund të Identifikoheni

   Mund të përdorim ose zbulojmë të dhënat tuaja shëndetësore nëse i kemi hequr krejtësisht veçoritë nga mund të identifikoheni. Gjithashtu, mund të përdorim dhe zbulojmë të dhënat tuajat shëndetësore ku pjesërisht janë hequr veçoritë nga mund të identifikoheni, nëse personi që do të marrë të dhënat nënshkruan një marrëveshje për të mbrojtur fshehtësinë e të dhënavet siç kërkohet nga ligjet shtetërore dhe federale.

6. Zbulimet e Paqëllimshe

   Megjithëse ne ndërmarrim hapa të arsyeshëm për të ruajtur fshehtësinë e të dhënave tuaja shëndetësore, disa zbulime të të dhënave mund të ndodhin gjatë, ose si pasojë e pashmangshme e përdorimeve dhe zbulimeve të tjera të lejueshme. Për shembull, gjatë një seance mjekimi, pacientë të tjerë në zonën ku ndodh seanca mund të shikojnë ose dëgjojnë rastësisht biseda mbi të dhënat tuaja shëndetësore.

7. Mbrojte të Posaçme

Të dhënat që kanë lidhje me HIV, kurat për abuzim ndaj alkoolit dhe drogave të ndryshme, shëndetin mendor dhe informacionin gjenetik, janë nën mbrojtje të posaçme të privatësisë. Këto të dhëna nuk mbrohen nga disa pjesë të këtij Njoftimi për Praktikën e Ruajtjes së të Dhënave Private.

TË DREJTAT TUAJA NË LIDHJE ME TË DHËNAT SHËNDETËSORE

Më poshtë janë përmendur të drejtat tuaja në lidhje me të dhënat shëndetësore. Secila prej këtyre të drejtave i nënshtrohet kërkesave, kufizimeve dhe përjashtimeve të caktuara. Përmbushja e këtyre të drejtave mund të kërkojë dërgimin e një kërkese me shkrim në CCM. Me kërkesën tuaj, CCM-ja mund t'ju ofrojë ndihmë të arsyeshme për t'i përmbushur këto të drejta.

1. Paraqitje e Kërkesës për Kufizime. Ju keni të drejtë të kërkoni kufizim të mënyrës se si ne i përdorim dhe i zbulojmë të dhënat tuaja shëndetësore për qëllime mjekimi, pagese, ose të zhvillimit të veprimtarive tona shëndetësore. Ju gjithashtu keni të drejtë të kërkoni kufizime të të dhënave shëndetësore që ne i zbulojmë një anëtari të familjes suaj, ose një personi që kujdeset ose paguan për shëndetin tuaj. Për të kërkuar kufizime ju lutem shkruajini Zyrtarit të Mbrojtjes së të Dhënave. Kërkesa duhet të përmbajë: a) cilat të dhëna doni të kufizoni; b) nëse doni të kufizoni përdorimin nga ne të të dhënave, zbulimin e të dhënave të tjerëve, apo të dyja; c) ndaj kujt dëshironi që të zbatohen kufizimet. Ne nuk jemi të detyruar që të pajtohemi me kërkesën tuaj për kufizime, dhe në disa raste kufizimet që kërkoni mund të mos lejohen me ligj. Megjithatë, nëse pajtohemi, do të jemi të detyruar t'i përmbahemi marrëveshjes, përveç se kur të dhënat nevojiten për t'ju dhënë ndihmë të shpejtë ose për të përmbushur detyrimet ligjore. Pasi të kemi rënë dakort në lidhje me një kufizim, ju keni të drejtë ta shfuqizoni kufizimin në çdo kohë. Në disa rrethana, edhe ne do ta kemi të drejtën ta shfuqizojmë kufizimin pasi t'ju kemi njoftuar se do ta bëjmë një gjë të tillë; në raste të tjera do të na duhet leja juaj para se ta shfuqizojmë kufizimin.

   Ne nuk jemi të detyruar që të pajtohemi me kërkesën tuaj për kufizime, dhe në disa raste kufizimet që kërkoni mund të mos lejohen me ligj. Megjithatë, nëse pajtohemi, do të jemi të detyruar ti përmbahemi marrveshjes, përveç se kur të dhënat nevojitet për t'ju dhënë ndihmë të shpejtë ose për të përmbushur detyrimet ligjore. Pasi të kemi rënë dakort në lidhje me një kufizim, ju keni të drejtë ta shfuqizoni kufizimin në çdo kohë. Në disa rrethana, edhe ne do ta kemi të drejtën ta shfuqizojmë kufizimin pasi t'ju kemi njoftuar se do ta bëjmë një gjë të tillë; në raste të tjera do të na duhet leja juaj para se ta shfuqizojmë kufizimin.

2. Marrja e të Dhënave tuaja Personale Shëndetësore. Ju keni të drejtën të shikoni dhe të merrni një kopje të kartelës dhe faturave mjekësore ose të të dhënave të tjera me shkrim që mund të përdoren për të marrë vendime mbi shërbimet që ju ofrohen, me disa përjashtime. Kërkesën duhet ta paraqisni me shkrim. Në shumicën e rasteve mund t'ju kërkojmë një pagesë të arsyeshme për shpenzimet e përgatitjes së kopjeve dhe postimit. Pagesa standarte është $0.75 për faqe dhe zakonisht duhet të paguhet para se ose në kohën kur t'ju japim kopjet.
   
   
3. Kërkesë për Ndreqje. Keni të drejtën të kërkoni ndreqje të të dhënave shëndetësore të ruajtura nga CCM-ja, gjatë kohës që këto të dhëna mbahen në arkivat tona, nëse besoni se këto të dhëna janë të pasakta ose jo të plota.

Ne mund ta refuzojmë kërkesën për ndreqje nëse të dhënat (a) nuk janë krijuar nga CCM-ja, me përjashtim të rasteve kur krijuesi i të dhënave nuk është më në gjëndje t'i përgjigjet kërkesës suaj; (b) nuk janë pjesë e të dhënave shëndetësore të ruajtura nga CCM-ja; (c) nuk janë pjesë e të dhënave të cilat keni të drejtë t'i dini; ose, (d) janë të sakta dhe të plota, sipas vendimit të CCM-së. Nëse e refuzojmë kërkesën tuaj për ndreqje do t'ju japim një refuzim me shkrim që përfshin arsyet e refuzimit dhe të drejtën për të parashtruar një deklaratë me shkrim që kundërshton refuzimin. Gjithashtu do t'ju dërgojmë udhëzime se si të paraqisni një ankesë drejtuar CCM-së ose Sekretarit të Departamentit të Shëndetësisë dhe Shërbimeve Njerëzore.

4. Kërkesa për një Përmbledhje të Zbulimeve. Keni të drejtë të kërkoni një "përmbledhje" të zbulimeve të caktuara të të dhënave tuaja shëndetësore. Kjo është një listë e zbulimeve e përpiluar nga CCM-ja ose të tjerët me kërkesën e CCM-së, por nuk përfshin zbulimet për qëllime mjekimi, pagese dhe zhvillimi të veprimtarisë shëndetësore (siç përshkruhet në Ndarjen 1 këtij Njoftimi), zbulimet e bëra sipas Autorizimit tuaj, zbulimet e rastësishme, dhe disa përjashtime të tjera.

   Për të kërkuar një përmbledhje të zbulimeve duhet të paraqisni një kërkesë me shkrim ku të deklarohet një periudhe kohore që nis pas 13 prillit 2003 brenda një periudhë gjashtë vjeçare nga data e paraqitjes së kërkesës. Përmbledhja e parë e dhënë brenda një periudhe 12 mujore do të jetë pa pagesë; për kërkesa të tjera mund t'ju kerkohen shpenzimet e përgatitjes.

5. Kërkesë për Komunikime Konfidenciale. Mund të kërkoni që ne të komunikojmë me ju në lidhje me çështje të shëndetit në një mënyrë të caktuar, për shembull në mënyra alternative ose në vende alternative. Do të përpiqemi t'i plotësojmë kërkesat tuaja të arsyeshme.
   
   
6. Kërkoni një Kopje në Letër të Këtij Njoftimi. Keni të drejtë të merrni një kopje në letër të këtij Njoftimi pasi të bëni kërkesë në një prej qendrave të CCM-së. Gjithashtu, mund të merrni një kopje të këtij Njoftimi në faqen tonë në Internet, www.comprehensivecaremanagement.com.

   Ndryshime të Këtij Njoftimi

Rezervojmë të drejtën ta ndryshojmë këtë njoftim dhe t'i bëjmë dispozitat e reja apo të ndryshuara të këtij Njoftimi të zbatueshme për të gjitha të dhënat shëndetësore që tashmë janë marrë dhe ruajtur nga CCM-ja si dhe të gjitha të dhënat që do të marrim në të ardhmen.

PËR INFORMACIONE TË MËTEJSHME OSE PËR TË PARAQITUR ANKESË

Nëse keni ndonjë pyetje në lidhje me këtë Njoftim ose dëshironi informacione të mëtejshme mbi të drejtat që keni për mbrojtjen e të dhënave private, ju lutem kontaktoni Zyrtarin e Mbrojtjes së të Dhënave në numrin (718) 652-1151.

Nëse besoni se të drejtat tuaj për mbrojtje të jetës private janë shkelur, mund të paraqisni ankesë drejtuar CCM-së ose Zyrës së të Drejtave Civile në Departamentin e Shëndetit dhe Shërbimeve Njerëzore të SH.B.A.-së. Për t'i drejtuar ankese CCM-së, kontaktoni Zyrtarin e Mbrojtjes së të Dhënave, në adresën 668 Allerton Avenue, Bronx, NY 10467 ose telefononi (718) 652-1151. Ankesat nuk duhet të jenë domosdoshmërisht me shkrim, megjithëse një gjë e tillë është e këshillueshme. Nuk do të hakmerremi apo ndërmarrim veprime ndaj jush nëse paraqisni ankesë.

Praktikat e paraqitura në këtë Njoftim në lidhje me mbrojtjen e të dhënave private hyjnë në fuqi në tërësi në 14 prill 2003.