Pse CCM-në? Një lloj tjetër përkujdesjeje

A s'do të preferonit të
jetonit në shtëpinë tuaj?

Tani, për të moshuarit me shëndet të dobët dhe të rriturit me aftësi të kufizuara që banojnë në zonën metropolitane të New York-ut, ka një alternativë ndaj vendosjes në shtëpitë për pleq.

Programi inovativ i shëbimeve shëndetësore të CCM-së i mundëson anëtarëve tanë, që përndryshe do të ishin të detyruar të qëndronin në një shtëpi për pleq, të vazhdojnë të jetojnë në komunitetet e tyre sa më gjatë të jetë e mundur dhe njëkohësisht të marrin përkujdesje të gjithanshme dhe cilësore.

Një program i zhvilluar posaçërisht për ju

Nevojat shëndetësore të secilit janë unike. CCM-ja dhe ekipi ynë i mjekëve, infermierëve, punëtorëve socialë dhe terapistëve bashkëpunon me ju dhe familjen tuaj për të hartuar një program që i përshtatet nevojave tuaja.

Plani juaj individual shëndetësor do të mbulojë të gjitha nevojat shëndetësore që keni. Qëllimi ynë është të përmirësojmë shëndetin dhe cilësinë e jetës tuaj në mënyrë që të jetoni sa më të pavarur.

Shtëpia juaj larg shtëpisë: Qendra Shëndetësore Ditore e CCM-së

Pasi bëheni anëtar ju mund të merrni pjesë në veprimtaritë dëfryese që ofrohen në Qendrat tona Shëndetësore Ditore. Do t'ju sigurojmë transport nga njëri vend në tjetrin.

Në Qendrën tonë mund të bëni miq të rinj, të kaloni kohën me të tjerët, të mësoni për veprimtaritë e ndryshme në komunitetin tuaj, dhe të merrni pjesë në një gamë të gjërë veprimtarish stimuluese dhe zbavitëse.

Do të mund të shijoni ushqime të pasura që përmbushin nevojat tuaj dietike.

Gjatë kohës që jeni këtu, gjithashtu do të përfitoni nga një shumëllojshmëri shërbimesh terapeutike, shëndetësore, dhe shërbimesh nga punëtorët socialë, për të qënë sa më në formë.

Jetoni në shtëpi duke marrë ndihmën që ju nevojitet

Edhe kur nuk ndodheni në një Qendër të CCM-së ju do të merrni ndihmën që ju nevojitet për të jetuar i sigurtë dhe rehat në shtëpinë tuaj.

Përveç infermieres që do t'ju vizitojë në shtëpi, një personel i trainuar dhe i kontrolluar do t'ju ndihmojë me kujdesin vetjak, bërjen e pazareve, përgatitjen e ushqimit ose kryerjen e punëve të thjeshta shtëpiake. Ata do t'ju ofrojnë ndihmë sociale,dhe do të bëjnë rregullime të shtëpisë për t'ia përshtatur aftësive tuaja të kufizuara.

Përkujdesje e koordinuar që përmbush nevojat tuaja shëndetësore

Ndërsa koha kalon nevojat tuaja shëndetësore dhe sociale mund të ndryshojnë. Ekipi i CCM-së që ju ka në ngarkim vazhdimisht do të ndjekë shëndetin dhe mirëqenien tuaj dhe do të bëjë ndryshimet e duhura të programit shëndetësor, që ju të jeni sa më të shëndetshëm.

Ekipi i CCM-së do të mbështesë familjarët që përkujdesen për ju në mënyrë që ata të vazhdojnë t'ju ndihmojnë të jetoni në shtëpinë tuaj.

Ju ftojmë të mësoni më shumë.

Mësoni më shumë mbi Qendrat e CCM-së, shërbimet dhe kushtet e pranimit... më pas telefononi (877) CCM-8500 ose dërgoni një email për të marrë përgjigje për pyetjet që keni. Mezi presim të dëgjojmë nga ju!